"Челси" эгаси энди трансферлар бўйича музокаралар олиб бормайди

Тодд Боэли "Челси"нинг вақтинчалик спорт директори лавозимини тарк этади, деб хабар берди "The Telegraph". Лондон клубининг америкалик хўжайини ушбу лавозимда ўн битта трансферни амалга оширишга муваффақ бўлди – саккизтаси ёзда, учтаси январда.

"Челси" собиқ хўжайини Роман Абрамовичнинг одамлари – трансферлар бўлими бошлиғи Марина Грановская ва техник директор Петр Чех жамоани тарк этганидан сўнг айнан Боэли янги келаётганлар билан учрашувда музокарачи вазифасини ўз зиммасига олди.

Америкалик ҳали янги спорт директорини тайинламайди. Бу функцияни техник директор Кристофер Вивелль (яқинда "Лейпциг"дан келган) ҳамда халқаро истеъдодлар ва трансферлар раҳбари Пол Уинстенли баҳам кўради.