Дортмунднинг "Боруссия" клуби вингери Карим Адейеми "Челси" радарида. Бу ҳақда инсайдер Кристиан Фальк хабар бермоқда.
"Челси" аллақачон футболчи билан боғланиб, уни Англияга ўтишга кўндиришга ҳаракат қилиб кўрди. Лондонликлар немис клуби билан ҳам музокара ўтказишни режалаштиришган.
Аввалроқ "Боруссия" Адейемини сотишга тайёр экани хабар қилинганди. "Арилар" футболчини 30 млн еврога баҳоламоқда.
22 ёшли германиялик ўтган мавсум барча турнирларда 33 та ўйин ўтказиб, 5 та тўп киритди ҳамда 2 та голли пас узатди.
