UZ

Сўнгги янгиликлар

09:35Суперкомпьютер 2025 йилги клублар ўртасидаги жаҳон чемпионати ғолибини башорат қилди  1 09:04“Тоттенхем“ янги бош мураббийи билан маош ва шартнома шартлари борасида келишиб олди — Романо  1 08:32“Барселона“ футболчиси “Атлетико“ билан шартнома имзолади  0 08:00CAFA U-20 Championship 2025. Терма жамоамизнинг гуруҳдаги рақиблари маълум  3 07:26ЖЧ-2026 саралаш. Мундиал йўлланмасини ҳал қилган терма жамоамиз бугун Қатарни меҳмон қилади  9 01:53ЖЧ-2026 саралаши. Италия, Норвегия, Хорватия ва Бельгияда ғалаба  1 01:20Абдуқодир Ҳусановнинг Англиядаги мураббийи Манчестер университетининг фахрий докторлик унвонига сазовор бўлди  5 00:37"Манчестер Юнайтед" Виктор Дьокерешни сотиб олиш устида фаол ишламоқда  8 23:50"Ал Ҳилол" Нуньес вакиллари билан боғланди. "Ливерпуль" ҳужумчиси таклифга рози  1 23:24Польша терма жамоаси ўйинчилари Левандовскининг сардорлик боғичи олиб қўйилганини "нишонлашди"  11 22:32ЖЧ-2026 саралаши. Қозоғистон ўз уйида мағлуб бўлди  37 22:21Расман: "Манчестер Сити" 40 млн. еврога ҳимоячи сотиб олди  13 22:08Алонсо "Реал"даги илк машғулотини ўтказди  1 21:41Левандовски терма жамоадан кетиши ҳақида: "Мураббий ишончимга хиёнат қилди. Гап ҳатто сардорлик боғичини олиб қўйиш қарорида ҳам эмас, балки бу ҳақда қандай хабар беришганида"  10 21:27Ўртоқлик учрашуви. U23 Ўзбекистон терма жамоаси Қирғиз Республикасини мағлубиятга учратди  1

"Цементчи"да футболни яхши кўрадиган раҳбар бор, таркибга 2010 йилда туғилган футболчини ҳам жалб қилдик" — Мурод Исмоилов яна нималар деди? Янгиликлар

"Цементчи"да футболни яхши кўрадиган раҳбар бор, таркибга 2010 йилда туғилган футболчини ҳам жалб қилдик" — Мурод Исмоилов яна нималар деди?

Хабарингиз бор, "Пахтакор", "Нефтчи" жамоаларидаги фаолияти билан танилган тажрибали мутахассис Биринчи лига клуби "Цементчи"да иш бошлади.

Мураббийнинг сўнгги иш жойи "Турон" бўлган эди. Шундан сўнг Мурод Музаффаровични бирор жамоада учратганимиз йўқ. "Цементчи" таклифи ва бошқа мавзуларда мураббийнинг фикрларини тингладик. 


- Фаолиятингизда маълум бир танаффус юзага келган эди. Шу даврда футболимизни, чемпионатимизни ташқаридан кузатиш имкони бўлдими?

- Авваламбор сайтингиз ижодий жамоасига суҳбат учун ташаккур айтаман. Омад тилайман. Орадаги танаффусдан фойдаланиб имкониятдан келиб чиқиб хаж амалини бажариб келдик. Бундан ташқари болалар, ўсмирлар, ёшлар футболини кузатиб бордим. Ўзим учун керакли маълумотларни, тажрибани тўпладим. Албатта майдонда ва ташқаридан бериладиган баҳода ер билан осмонча фарқ бор. Майдонда сиз ҳиссиётларга берилиб, азартда баҳо берсангиз, ташқарида хотиржам ва таҳлил қилиб, холисона ёндошасиз. 

- Бу йилги водий клубларининг Суперлигадаги иштироки қанчалик кутилгандек бўляпти?

- Водийда барча жамоалар ўз мусобақаларида яхши натижалар кўрсатишяпти. Мана севимли "Турон" жамоамиз ҳам ғалабалар қозонишни бошлади. Ўйлайманки, яқин вақт ичида "Турон" ҳам олдига қўйган мақсадига эришади. Барча жамоага омад тилайман. Барчалари соғ-саломат бўлишсин. 

- Биринчи лига жамоаси Цементчидан тушган таклиф қай томонлама сизга маъқул келди? 

- 2000 йилларда ўзим "Цементчи" жамоасида тўп тепганман. Қайсидир маънода тарихий ва мен учун бегона бўлмаган клуб ҳисобланади. "Цементчи"да футболни яхши кўрадиган раҳбар бор. Ўша вақтдаги каби бугун ҳам Мўйсинжон Хожи Меҳмонов бош ҳомий ҳисобланадилар. Бу инсонни футболга бўлган меҳри туфайли шу жамоага келдим. 

- Тажрибангиздан келиб чиқиб айтганда Биринчи лигада ишлаш қай томонлама қийин ёки осон?

- Биринчи лигада кўпроқ ёш футболчилар қатнашади. Қийин томони уларга кўп нарсани ўргатиш керак. Осон томони уларда иштиёқ баланд. Ҳар бир кўрсатмангизни катта иштиёқ билан бажариши енгиллик беради. 

- Клуб олдига қандай мақсад қўйилган?

- Раҳбарият томонидан кўпроқ ёшлар билан тўлдириш, Биринчи лигада рақобатбардош жамоа тузиш мақсадлари қўйилди. Про лига, Суперлига жамоаларига яхши футболчиларни етиштириб беришни мақсад қилганмиз. 

- Шу мақсадларга яраша шароитлар яратиб бериляптими?

- "Цементчи" клубининг ўз қароргоҳи бор. Уй учрашувини ўтказадиган шинам ўйингоҳга эга, майдонлар ҳолати ҳам яхши. Стадион ёритгичлари ҳам яхши ҳолатда. Биринчи лига учун шароитлар ёмон эмас. Озиқ-овқат, кийим билан таъминланган. Раҳбарият нима керак бўлса, яратиб беряпти. Бундан ташқари яқинда "Цементчи" футбол клуби қошида футбол мактаби ташкил қилинди. У ерда 100дан ошиқ бола шуғулланяпти. Мураббийлар ишлаяпти. Келажакда яна кенгайтириш борасида режалар қилинган. 

- "Цементчида"ги таркиб ҳақида фикрингиз қандай? Трансфер ойнасидан қанчалик фойдалана олдингиз?

- Таркибимиз тубдан ўзгарган. 2-3та позицияга тажрибали футболчилар олдик. Қолганлар 2006-2008, ҳаттоки 2010 йилда туғилган терма жамоа аъзосини ҳам жалб қиляпмиз. "Фаровон" футбол мактабидан футболчилар жалб қилдик. Улар асосий таркибга қўшилиши эҳтимоли катта. 

Муаллиф : Iskandarov Abdulaziz
Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика