"Бухоро" спорт мажмуасида оилавий сектор ишга тушди

Ўзбекистонда ҳам футбол ривожланиш билан бирга мухлислик маданияти ҳам ривожланиб бормоқда.

Бугунги кунга келиб стадионга ташриф буюриш бўйича мамлакатимизда бухорлик мухлислар мана бир неча йилдирки етакчилик қилиб келишмоқда. Ушбу мавсумдан эътиборан “Бухоро” ПФК янгиликга қўл урмоқда.

Футбол бўлган кун ҳамма вақт мухлис учун байрам сифатида қабул қилинади. Ҳар бир мухлис ушбу байрамни ўз яқинлари, оила-аъзолари даврасида ўтказишни исташи аниқ. “Бухоро” футбол клуби мухлисларга қўшимча қулайликлар яратиш мақсадида, “Бухоро” спорт мажмуасида махсус “Оилавий сектор”ни ишга тушуради.

Бу махсус секторда ҳар қандай мухлис ўз яқинлари, болалари, хуллас бутун оила бўлиб томоша қилиш имкониятига эга.

“ОИЛАВИЙ СЕКТОР” афзалликлари:

“Оилавий сектор” “Бухоро” спорт мажмуасида футбол томоша қилиш учун энг қулай бўлган “2-В” секторида жойлашган. Ушбу секторда болалар борлиги инобатга олинган ҳолда қўшимча хавфсизлик чторалари кўрилади. Бундан ташқари “Оилавий секторда” чекиш, номақбул сўзлар ишлатиш қатъиян тақиқланади!

“Бухоро” жамоасини қўллаб-қувватлаш учун оилангиз билан ташриф буюринг! Биз сизни кутамиз!

“Бухоро” - “Пахтакор” учрашуви 1 апрель, соат 18:45да бошланади.