Кеча Иван Бошкович шогирдлари куннинг биринчи яримида мазкур йиғин доирасидаги энг муҳим ва аҳамиятли учрашувда майдонга тушишди. "Динамо Загреб"нинг ёшлар жамоасига қарши баҳснинг биринчи бўлими тўлиқ "қалдирғочлар" устунлигида ўтди, дея оламиз. 8 дақиқада тезкор гол билан ҳисобда олдинга чиқиб олган ҳамюртларимиз қолган дақиқаларда рақибга деярли имконият беришгани йўқ. Иккинчи бўлимда Иван Бошкович бир нечта ўзгаришларни амалга оширди, барчага ўйин амалиёти тақдим қилди. Афсуски иккинчи бўлим стартидаги иккита хатодан рақиб унумли фойдаланди.
Қуйида ушбу учрашувдан олинган суратларни томоша қилишингиз мумкин.
"Бунёдкор" ўринбосарлари учрашув бўлиб ўтадиган стадионга тушиб келишмоқда.
"Бунёдкор" ва "Динамо Загреб" футболчилари ўзаро эсдалик совғаларини алмашишди.
Икки жамоа сардорлари учрашувдан олдин эсдалик учун суратга тушишди.
"Динамо Загреб" ёшлар жамоаси мураббийлар штаби
Абдуллоҳ Омоналиевдан гол завқи
"Динамо Загреб" жамоасига қарашли спорт комплекс. "Максимир" стадиони атрофида 7та шундай кичик майдонлар мавжуд. Бу ҳақида кейинроқ батафсил тўхталамиз. Олдинда "Максимир" стадионига ажойиб фото саёҳат кутмоқда. Бизни кузатишда давом этинг.
"Бунёдкор" матбуот хизмати билан ҳамкорликда тайёрланди.
