"Бунёдкор" Крестининнинг истеъфосини эълон қилди

"Барчаси учун раҳмат Александр Сергеевич!

«Бунёдкор» футбол клуби ўзаро келишувга кўра бош мураббий Александр Крестинин ва унинг ёрдамчилари билан шартномани узайтирмасликка қарор қилди.

Айтиш керак, «Бунёдкор» Александр Сергеевич билан ажойиб мавсумни ўтказди. Чемпион «Пахтакор» ва кумуш медал соҳиби «Насаф» сафарда мағлубиятга учратилди. Тошкентда «Нефтчи» «таслим» этилди.

«Бунёдкор» футбол клуби россиялик мутахассис ва унинг ёрдамчиларига миннатдорчилик билдирган ҳолда мураббийлик фаолиятида омад тилайди!", - деб ёзилади клуб баёнотида.

Қайд этиш керак, "Бунёдкор" россиялик мураббий қўл остида 14 ўйин ўтказиб, шуларнинг 6тасида ғалаба қозонди. 5 марта мағлуб бўлган "қалдирғочлар" 3 бора дуранг қайд этди.