UZ

Сўнгги янгиликлар

20:59Родриго "Реал"да қолмоқчи. Футболчи Алонсонинг фикрини ўзгартириш ниятида  1 20:21"Кристал Пэлас" Европа Лигасида четлаштирилиши бўйича спорт арбитраж судига апелляция берди  0 20:20Мираброр Усмонов Кубоги-2025. Ўзбекистон U-23 - Саудия Арабистони U-23 2:0 (матнли трансляция)  11 19:51Хави Симонс "Челси"га ўтишга рози  1 19:27Де Хеа: "Манчестер Юнайтед"да ўтказган йилларим учун Англиядан тушган таклифларни рад этдим"  2 18:57Гёкереш "Арсенал"да — Here We Go!  7 18:40Эрдоған асос солган, Шомуродов ва Файзуллаев жамоаси "Истанбул Башакшеҳир" билан танишамиз  4 18:20"Челси" Доннарумма трансферига қизиқмоқда  1 17:58Аббос Файзуллаев тиббий кўрикдан ўтолмагани ҳақидаги хабарлар ҳақиқатга тўғри келмайди  14 17:27Ўзбекистонда футболнинг янги қоидалари кучга киради  10 17:11Расман: "Машъал" Яшинни трансфер қилди  4 16:57Япония U-23 терма жамоасининг Мираброр Усмонов Кубоги учун қайдномаси маълум  2 16:30Гёкереш "Манчестер Юнайтед" таклифини рад этди ва "Арсенал"га ўтишга умид қилмоқда  2 16:03Саудия Арабистони U-23 терма жамоасининг Мираброр Усмонов Кубоги учун қайдномаси эълон қилинди  4 15:46"Хоразм" 6 нафар футболчи кетганини эълон қилди  0

«Бунёдкор» делегацияси «UzAuto Motors» меҳмони бўлди Янгиликлар

«Бунёдкор» делегацияси «UzAuto Motors» меҳмони бўлди

Теглар :  Бунёдкор
Кеча «Бунёдкор» жамоаси Бош директори вазифасини бажарувчи Улуғбек Мирзаев, бош мураббий Вадим Абрамов, футболчилар Анвар Ғофуров, Муроджон Зуҳуров ҳамда клуб администрацияси ходимлари Андижоннинг Асака шаҳридаги «UzAuto Motors» (собиқ GM Uzbekistan) акциядорлик компаниясига ташриф буюрди.

1996 йил 19 июль куни илк автомобиль ишлаб чиқарилган заводга ташриф буюрган «қалдирғочлар» мезбонлар томонидан жуда илиқ кутиб олинди. Аввалига меҳмонларга етти дақиқалик ролик намойиш қилиниб, унда заводда амал қилиниши керак бўлган хавфсизлик қоидалари тушунтирилди. Яъни, автомобиль ишлаб чиқариш цехларида хавфсизлик қоидаларига амал қилиш батафсил кўрсатиб берилди. Шундан сўнг делегациямиз аъзоларининг завод бўйлаб саёҳати бошланди. Ташриф давомида автомобиль ишлаб чиқаришда иштирок этадиган барча цехлар кўздан кечирилди. Айтиш керак, завод ходимларининг аксари «миллионлар ўйини»нинг ашаддий ишқибози экан. «Бунёдкор» делегацияси ташрифини кўрган футболсевар ишчи-ходимлар меҳмонларни хушкайфиятда кутиб олишди. Футболсевер ходимлар Вадим Абрамовнинг миллий терма жамоадаги ғалабаларини эслаб, мураббийга бўлган ишончларини билдиришди ва омадлар тилашди. Қолаверса, эсталик учун суратларга ҳам тушилди.

Завод бўйлаб саёҳат давомида «UzAuto Motors» расмийлари ажойиб бир маълумотни айтиб ўтишди. 29 октябрь заводда тарихий кунга айланибди. Чунки завод тарихида илк бор бир суткада турли русумдаги 1087 та автомобиль ишлаб чиқарилибди. «UzAuto Motors» тарихида ҳали бирор марта бундай кўрсаткич қайд этилмаган экан. Завод расмийлари буни «Бунёдкор»нинг ташрифи билан боғлагани эътиборга молик. Маълумот ўрнида айтиб ўтамиз, заводда бир соатда ўртача 48та автомобиль ишлаб чиқарилади. Бир йилда эса, харидорларга жами 250 минг автомобиль тақдим қилинади.

Ташриф сўнггида «Бунёдкор» делегацияси ва «UzAuto Motors» акциядорлик компанияси бош директори Рустам Бахтиярович Ражабов ўртасида учрашув бўлиб ўтди. Самимий, илиқ кайфиятда ўтган учрашувда «Бунёдкор» футбол клуби «UzAuto Motors» акциядорлик компанияси билан реклама-ҳомийлик йўналиши бўйича дастлабки келишувга эришди. Унга кўра яқин кунларда ҳар иккала томоннинг масъул ходимлари ҳомийлик шартномасини ишлаб чиқишади. Шундан сўнг томонлар ўртасида шартнома имзоланиши келишиб олинди.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика