Бундеслига. "Боруссия" дарвозаси ишғол этилди, лекин...

Германия чемпионати пешқадами ўз уйида Мёнхенгладбахдаги номдоши "Боруссия"ни қабул қилди.

Голларга бой кечган учрашувда 6та гол урган мезбонлар, ўз дарвозаларидан жорий мавсумда бундеслигадаги илк голларини қўйиб юборишди. Ларс Штиндль Бюрки дарвозаси занжирини 516 дақиқалик "қуруқ" сериядан кейин ечган илк футболчига айланди.

Аммо бу гол "Боруссия" Мёнхенгладбахга ҳеч қандай ёрдам бера олмади. Максимилиан Филипп ҳамда Пьер-Эмерик Обамеянгнинг бенефисига айланган баҳсда Петер Бошш жамоаси йирик ғалабани қўлга киритди. Филипп дубл қайд этди ва битта голга ҳаммуаллифлик қилди. Обамеянг эса хет-трикка эришди. Мёнхенгладбах дарвозасига киритилган олтинчи голни Юлиан Вайгл урди.

Шу тариқа ушбу ғалабадан кейин "Боруссия" Дортмунд Бундеслигада пешқадамликни янада мустаҳкамлади.

Бундеслига, 6-тур. Турнир жадвали

Боруссия Д – Боруссия М 6:1

«Сигнал Идуна Парк»

Голлар: 1:0 – 28 Филипп, 2:0 – 38 Филипп, 3:0 – 45 Обамеянг, 4:0 – 49 Обамеянг, 5:0 – 62 Обамеянг, 5:1 – 66 Штиндль, 6:1 – 79 Вайгль.

Боруссия Д – Бюрки, Папастатопулос (Бартра, 83), Толян, Пишчек (Загаду, 70), Топрак, Гетце, Вайгль, Пулишич (Кагава, 64), Дауд, Филипп, Обамеянг.

Боруссия М – Зиппель, Гинтер, Вендт, Эльведи, Вестергор, Джонсон (Херрманн, 72), Крамер (Хофманн, 75), Закария, Азар, Штиндль, Раффаэл (Кюизанс, 61).

Огоҳлантириш: Эльведи (58).