Unda amaldagi chempion "Real" o'z maydonida "Sevilya"ni qabul qiladi.
"Qirollik klubi" matbuot xizmati uchrashuvdan oldingi qaydnomani taqdim etdi. Unga ko'ra, Zinedin Zidan bugun Serxio Ramos, Rafael Varan, Dani Karvaxal, Kazemiro va Garet Beyl kabi o'yinchilarning xizmatidan foydalana olmaydi. Beyl yaqindagina umumiy guruh mashg'ulotlariga qaytgan bo'lsa, Varan jarohatdan keyin tiklanish jarayonini davom ettirmoqda. Ramos, Karvaxal va Kazemiro esa diskvalifikaciya sabab uchrashuvda ishtirok eta olishmaydi.
