UZ

Сўнгги янгиликлар

00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  3 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  0 21:29Португалия терма жамоаси Евро-2024да фойдаланадиган либослар намойиш этилди  2 21:16Бруну Фернандеш: "Қоидани ўзгартириш керак"  2 20:48АПЛ клубидан 4 очко олиб ташланди  8 19:52"Ливерпуль" Мусиалани сотиб олмоқчи  4 19:25Ачерби ирқчилик можароси туфайли Италия терма жамоаси ихтиёрини тарк этди  2 18:59"Ювентус" Аллегри ўрнига 3 нафар номзодни кўриб чиқмоқда  5 18:30"Бернарду Силванинг "Сити"да қолишини истаймиз" — Гвардиола  1 17:59Азиз Амонов: "Осиё Кубогида майдонга тушмадим? Биз майдонга тушсак ҳам, тушмасак ҳам бир жамоамиз. Асосийси – жамоа ғалабаси"  4 17:32Ўзимизнинг карикатура. Темирйўлларда "қонли қотиллик"  7 17:01"Челси" ҳимоячиси Хосе Гайя ўрнига Испания терма жамоасига жалб қилинди  0

Бугун нима бўлади? Янгиликлар

Бугун нима бўлади?

Бугун Ўзбекистон миллий терма жамоаси Қатарга қарши навбатдаги ўртоқлик учрашувини ўтказади.

Яъши биласиз, 13 окятбрь куни КХДР билан кечган беллашувда 2:0 ҳисобида зафар қучдик. Бугун ҳам футболчиларимиздан фақат ғалаба кутиб қоламиз. Аммо ҳозир сўз борадиган мавзу бу ҳақда эмас. Бугун бошқа бир янгилик бўлиши кутилмоқда.

Гап шундаки, бугун 15:00да ПФЛ йиғилиш ўтказади. Йиғилишдан мақсад, бу йилги Сурперлига баҳсларини муҳокама қилиш, келаси йил бўлиб ўтадиган миллий чемпионат формати ҳақида фикр юритиш ҳамда регламентга қандай ўзгартириш киритиш борасида ўртоқлашиш. Хуллас, бугун ПФЛ мажлисида жиддий масалалар кўтарилиши кутилмоқда.

Эшитишимизча, кейинги йил чемпионат бошқача форматда ўтказилар экан. Ҳатто жамоалар сони 14тага етказилади деган миш-миш ҳам йўқ эмас. Лекин бу қанчалик ҳақиқатга яқин, вақт ўтиб билиб оламиз. Аммо ўзбек футболининг ҳозирги ҳолатида 12та жамоа иштирокидаги Суперлигани энг мақбули деб ўйлаймиз.

Жамоалар сонини кўпайтирган билан рақобат ортиб қолмайди. Ўзи шундоқ ҳам Суперлигада футболчилар ўртасидаги рақобат кучли эмас. Қанча кам жамоа қатнашса, рақобат шунча ортади. Фақат бу йил кўрдикки, биринчи босқичдан кейин жамоаларни 6тадан икки гуруҳга бўлиш ўзини оқламас экан.

Тўғри, чемпионликка курашувчи жамоаларнинг фақат кучлилар билан ўйинда ютиб чемпион бўлгани яхши, бироқ юқори олтиликка кириб олгач баъзи клубларда эътибор сусайиб қолиши ҳеч гап эмас. Масалан, "Бухоро" олтиталикка кириб олди ва ҳамма ўйинларни ютқазган тақдирда ҳам 7-ўринга тушиб кетмайди. Шундай бўлгач, чемпионат мантиғи қаерда қолади?

Бундан ташқари, "олтин очколар" қоидаси ҳам бизга тўғри келмайди. Аввал ҳам ёзгандик, ҳар бир жамоа қўлга киритган очко йил бўйи ҳисоблаб борилиши керак. Лекин "олтин очколар" сабаб тенгсизлик юзага келди. Бундан ташқари, якуний жадвалда ўйинлар кўп, очколар кам бўлиб қолади.

Шу боис менинг фикримча, кейинги йил ҳам Суперлига 12та жамоа билан давом этгани маъқул, фақат бу ўринда энг маъқул йўл биринчи босқичдан кейин жамоалар иккита гуруҳга бўлинмайди, балки 3-давра ўтказилади. 1 ва 2-давралар бу йилги тартибда ўтади, сўнгра 3-даврага қуръа ташланади. 3-даврада жамоалар бир-бирлари билан биттадан ўйин ўтказишади ва қуръага кўра кимдир уйда 5та, сафарда 6та, кимдир эса уйда 6та, сафарда 5та ўйин ўтказади. Бу энди қуръага боғлиқ. Шунинг баробарида "олтин очколар" бекор қилиниб, барча очколар қўшилиб боради. Бир йилда жами 33та тур бўлади.

Фикримча, энг яхши вариант шу. Чунки миллий чемпионат бўлганидан кейин чемпионликка эришадиган жамоа ўз вазифасини нафақат кучлилар, балки кучсизлар билан ҳам ҳал қилиши керак. Кўрамиз, бугунги йиғилишда яна нима гаплар бўлар экан...

Муаллиф : Xayrulla Xoliqov
Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика