Бугун футбол. "Металлург" - "Сўғдиёна"
12 май 2017 12:04
Янгиликлар
![](https://championat.asia/upload/storage/252849_original.jpg)
![](/upload/storage/252849_220.jpg)
Бугун футбол. "Металлург" - "Сўғдиёна"
Бекободда "Металлург" Жиззахнинг "Сўғдиёна" клубига қарши баҳс олиб боради. Учрашув 17:30да бошланади.
Олий лига. 10-тур. 12 май
«Металлург» (Бекобод) – «Сўғдиёна» (Жиззах)
Ҳакамлар: З. Қодиров (Навоий), Р. Самандаров (Навоий), О. Жумаев (Навоий), К. Расулов (Қарши).
Назоратчи: Р. Айтеков (Тошкент).
ЎзПФЛ вакили: Б. Ҳайдаров.
Ўйиндан нима кутяпмиз? "Металлург" кутилмаганда турнир жадвалида энг охирги ўринни эгаллаб турибди. Бекободликлар ҳисобида атиги битта ғалаба бор. Шунингдек, улар икки бор дуранг ўйнаб, бешта учрашувда мағлуб бўлишган. "Сўғдиёна" эса 9та ўйиндан 11 очко тўплаган ҳолда
10-ўринни эгаллаб турибди. Мазкур жамоалар ўртасида кечадиган баҳс ҳақида нима дейиш мумкин? Аввало ўз майдонида тўп тепаётган "Металлург" фақат ғалаба учун ўйнайди. Чунки жамоа яна очко йўқотадиган бўлса, янада мушкул вазиятда қолади. Ўз навбатида "Сўғдиёна" ҳам сафардан ижобий натижа билан қайтишга уриниб кўради.
Факт: Бугун "Металлург" жорий мавсум ҳисобидан ўз майдонидаги бешинчи ўйинини ўтказади. Жамоа аввалги тўрт беллашувдан фақат биттасида ғалаба қозонган. Рустам Мирсодиқов шогирдлари 4-турда "Шўртан"ни 4:2 ҳисобида мағлуб этишган. Бошқа ўйинларда эса жамоа "Навбаҳор" билан дуранг ўйнаган ҳолда "Динамо" ва "Бухоро"га имкониятни бой берган.
Факт: Шу пайтгача сафарда бешта учрашувда майдонга тушган "Сўғдиёна" дастлабки учтасида мағлуб бўлиб, кейинги иккита ўйинда дуранг ўйнади. Жиззахликлар "Қизилқум" ва "Динамо" майдонидан бир очко тўплаган ҳолда қайтишди. Агар бугун Даврон Файзиев шогирдлари ғалаба қозонадиган бўлса, бу "Сўғдиёна"нинг сафардаги илк ғалабаси бўлади.
Биласизми? "Металлург" олий лигада кетма-кет беш ўйиндан буён ғалаба қозона олмаяпти. Жамоа ҳисобида икки дуранг ва уч мағлубият бор. "Сўғдиёна" ўтган тур "Машъал"ни 3:0 ҳисобида мағлуб этиб, ўзига хос шов-шувни юзага келтирди. Улар бунгача учта учрашувдан бери зафар қуча олишмаётганди.
Биласизми? "Металлург" ўз майдонида "Сўғдиёна"га қарши охирги учта баҳснинг иккитасида ғалаба қозонган. Жамоа ўтган йил 2:1 ҳисоби билан устун келган. 2015 йилги мавсумда эса ғалаба жиззахликлар томонидан бўлган.
05.03.2016
"Металлург" - "Сўғдиёна" - 2:1
26.08.2015
"Металлург" - "Сўғдиёна" - 1:2
14.05.2014
"Металлург" - "Сўғдиёна" - 4:2
Ўхшаш янгиликлар
![AMP Logo](https://championat.asia/image/logo-amp.png)
Фикрлар