Бугун футбол. "Машъал" - "Обод"
26 май 2017 12:12
Янгиликлар

Бугун футбол. "Машъал" - "Обод"

Бугун олий лиганинг 12-турига старт берилади. 15-ўриндаги "Обод" Муборакда 8-ўринда бораётган "Машъал" меҳмони бўлади. Ўйин 18:30да бошланади.

Ўйиндан нима кутяпмиз? Аввалги турда ғалаба нашидасини сурган "Обод" бугун сафарда "Машъал"га қарши майдонга тушади. "Машъал" ўтган турда "Насаф"дан мағлуб бўлди ва ўша мағлубият аламини "Обод"дан олишга уриниб кўради. Имкониятлар борасида "Машъал"нинг устунлигини кўрсата оламиз.

Факт: "Машъал" ўз майдонидаги охирги ўйинда дуранг ўйнади. Жамоа "Олмалиқ" қаршилигини енга олмади. "Машъал" уйдаги ўйинларда 11 очкони қўлга киритган. Жамоа учта баҳсда зафар қучиб, икки бор дуранг ўйнаган ва бир марта мағлуб бўлган. Тўплар нисбати 6-2.

Биласизми? "Машъал" 1-турда "Локомотив"га ютқазганидан бери Муборакда мағлуб бўлмай келмоқда. Жамоа ўз уйида ҳатто "Пахтакор", "Бунёдкор" каби клублардан устун келган.

Факт: "Обод" сафардаги ягона ғалабаси "Бухоро" билан ўйинда рўй берган. Шундан бери Инилеев шогирдлари сафарда ғалаба қозона олишмаяпти. Жамоа кетма-кет тўртта мағлубиятни қабул қилиб олди. "Обод" сафарда "Сўғдиёна", "Насаф", "Локомотив", "Нефтчи" клубларига имкониятни бой берган.

Биласизми? "Обод" сафардаги охирги тўрт ўйинида бирортаям гол ура олмади. Тўплар нисбати 0-10.

Ҳавола :

Манба : Championat.asia

Янгиликларни Телеграмда ўқинг!

Рейтинг: +1