Бугун футбол. "Локомотив" - "Сурхон"

Турнир жадвалида "Локомотив" 3 очко билан 13-ўринни эгаллаб турибди. "Сурхон" эса 2 очко тўплаган ҳолда охирги ўринда бормоқда. "Локомотив"да тўплар нисбати 4-9, "Сурхон"да эса 2-4.

"Темирйўлчилар" шу пайтгача ўтказилган 5та учрашувнинг биттасида ғалаба қозониб, тўрт бор мағлубиятга учрашди. "Локо" ўз майдонида АГМКдан устун келиб, "Қизилқум", "Бунёдкор", "Насаф" ва "Динамо" билан кечган ўйинларда имкониятни бой берди. 

Термизликлар ҳозирча 4та ўйин ўтказиб, икки дуранг ва икки мағлубият қайд этишган. "Сурхон" сафарда "Олимпик" ва "Металлург" билан дурангга эришиб, "Навбаҳор" ва АГМКга қарши баҳсларда мағлуб бўлди. 

Ҳар икки жамоа мусобақа жадвалининг қуйи қисмида бораётганини инобатга олсак, бугун "Локомотив" стадионида жиддий қарама-қаршилик кечиши кутилмоқда. Шундай экан, соат 18:30да бошланадиган учрашувга мухлисларни таклиф этиб қоламиз. 

1-май, якшанба

ЛОКОМОТИВ – СУРХОН

Ҳакамлар: Акобирхўжа Шукуруллаев, Обид Жумаев, Жасур Рустамов, Иброҳим Исмоилов

Назоратчи: Марат Исмоилов

ВАР ҳаками: Аҳрол Рисқуллаев

ВАР ассистенти: Эдита Мирабидова

ВАР назоратчиси: Валентин Коваленко

Комиссар: Акмал Раҳматов