Буффон ЕЧЛда орзусидаги ўйин ҳақида гапирди

“Эсда қоларли учрашувлар кўп бўлган. “Энфилд”да “Ливерпул”га , Глазгода “Рейнжерс”, Истамбулда “Фенербахче”га қарши баҳсларда менда ҳаяжон сезилган. “Парма” таркибида “Милан”га қарши баҳс, Италия кубоги, Суперкубоги, УЕФА кубогида финалидаги ғалабали онларни мен ҳеч қачон унутмайман.

ЕЧЛ чорак финалида “Реал”га қарши Мадридда кечган баҳс, аламли бўлсада мен учун ҳақиқий орзуимдаги ўйин бўлган. Ҳиссиётларга бой ўйин бўлганди.

Энг яхшилар ичида энг эсда қолгани? Ҳар бир турнир финали тасвирлаб бўлмайдиган эмоцияларни тақдим этади. Агар булар орасидан ҳам энг яхшисини танлаш лозим бўлса, бу Жаҳон чемпионатининг финал баҳсини кўрсатган бўлардим”, дея Буффонинг сўзларидан иқтибос келтирмоқда Football Italia.