Breaking! Хорватия клуби Бобир Абдихолиқовга кўз тикди

Бизга маълум бўлишича, Хорватиянинг "Хайдук" клуби Беларуснинг "Энергетик-БГУ" жамоаси шарафини ҳимоя қилиб келаётган ҳамюртимиз Бобир Абдихолиқовга қизиқяпти.

Алоҳида айтиш жоиз, Беларусь чемпионатининг 2022 йилги мавсумида 26 та гол билан мавсум тўпурарига айланган ва жамоасининг ғалабаларига катта ҳисса қўшган Абдихолиқов "лиганинг энг яхши футболчиси" деб топилганди.

Бундан ташқари, Бобир "чемпионатнинг энг яхши ҳужумчиси" ва "чемпионатнинг энг яхши тўпурари" совринларини қўлга киритди.

Шунингдек, Абдихолиқов "Ўзбекистоннинг энг яхши футболчиси" номинациясида 2-ўринни олганди.

Эслатиб ўтамиз, "Хайдук" ўзбекистонликлар учун бегона эмас. Негаки, ўтган мавсум "Қизилқум"да ўйнаган Темурхўжа Абдухолиқов 2014 йил "Хайдук" сафида тўп тепган эди.

Беларусь чемпионатининг энг яхши ўйинчиси Бобир Абдихолиқовнинг трансфер нархи кўтарилди