BREAKING NEWS! Равшан Ҳайдаров Осиёда йилнинг энг яхши мураббийи бўлиш учун номзод
19 ноя 2018 12:37
Янгиликлар

BREAKING NEWS! Равшан Ҳайдаров Осиёда йилнинг энг яхши мураббийи бўлиш учун номзод

ОФК расмий сайти 2018 йил Осиёнинг энг яхши мураббийи бўлиш учун номзодларни эълон қилди.

Қувонарлиси номзодлар орасида ўзбекистонлик мураббий ҳам бор. Январь ойида Хитойда ўтган U-23 Осиё чемпионатида ғолиб бўлган Равшан Ҳайдаров 2018 йил Осиё қитъасида энг яхши мураббий бўлиши мумкин.

Ҳайдаровга яна икки мураббий рақобат қилади. Булар "Эйр Форс" клуби устози Босим Ҳамдан ҳамда "Кашима Антлерс" клуби бош мураббийи Го Оива. Маълумот учун "Эйр Форс" 2018 йилги ОФК кубогида ғолиб чиқди, "Кашима Антлерс" эса шу йил Осиё Чемпионлар лигаси ғолибига айланди.

2018 йил Осиёда энг яхши мураббий бўлиш учун даъвогарлар:
Босим Ҳамдан (Ироқ)
Го Оива (Япония)
Равшан Ҳайдаров (Ўзбекистон)