Бразилиялик Элкесон Хитой терма жамоасидан чақирув олди

Марчело Липпи яқинлашиб келаётган Жаҳон чемпионати ва Осиё Кубогига саралаш ўйинлари учун чақирилган таркибга асли бразилиялик бўлган ўйинчи Элкесонни ҳам киритди.

Шундай қилиб, Элкесон келиб чиқиши хитойлик бўлмаган ўйинчи сифатида терма жамоадан илк бор чақирув олган футболчига айланди. "Гуанжоу Эвергранд" ўйинчиси яқинда Хитой фуқаролини қабул қилган эди.

Қайд этиш керакки, Элкесон умуман Бразилия терма жамоасида ўйнамаган. У шу йилнинг январь ойига келиб Хитой фуқаролиги учун етарлича яшаб улгурган эди.

Ҳужумчи Хитойдаги фаолияти давомида 234та ўйинда майдонга тушиб, 134та гол ва 60та ассистга эришган.