UZ

Сўнгги янгиликлар

23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  2 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:29"Челси" — "Арсенал". Таркиблар маълум  26 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   3 19:02АПЛ. "Манчестер Юнайтед" Лондонда иродали ғалабага эришди  16 18:53Александр Хомяков: "Бундай ўйинларда битта гол кўп нарсани ҳал қилади"  6 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  3 18:35Илёс Зейтуллаев: "Андижон" учун мотивация муҳим роль ўйнади, "Бунёдкор" ажойиб мавсум ўтказди"  1 18:31Суперлига-2025. Игорь Сергеев — тўпурар  6 18:21Баҳром Ҳайдаров: "Плей-оффда ўйнайдиган 4 та клуб ҳам Суперлигада қолса керак"  0 18:10Иван Бошкович: "Қизил карточка ўйиннинг энг муҳим вазияти бўлди, "Қўқон-1912"га омад тилайман"  8

Ботир Қодирқулов: "Бизга битта ғалаба зарур эди" Янгиликлар

Ботир Қодирқулов: "Бизга битта ғалаба зарур эди"

Про лиганинг 4-туридан ўрин олган "Шўртан" – "Янгиер" (4:0) учрашувидан сўнг мезбонлар мураббийи Ботир Қодирқулов матбуот анжуманида иштирок этди.


- Ўйин ҳақида

- Учрашувга жиддий тайёргарлик кўргандик. Жамоамиз бош мураббийи Асрор Алиқулов билан рақибдан келиб чиқиб, ўйин режасини ишлаб чиққандик. Стадионга келиб қўллаб-қувватлаган мухлисларга миннатдорчилик билдираман. Ғалабамиздан барча бирдек хурсанд ҳолатда. Жамоамиз мураббийлар штабини, футболчиларни, клубимиз раҳбариятини бугунги йирик ғалаба билан табриклайман.

- Тезкор гол якунда йирик ҳисобдаги ғалабага сабаб бўлди, деб изоҳласак бўладими?

- Биз йигитлардан олдинги чизиқда тажовузкор ўйинни талаб қилгандик. Тезкор гол урилиши ёки урилмаслиги учун эмас, умуман, агрессив ва ҳужумкор футбол бугунги режамиз эди.

- Асосий таркибда майдонга туширилган Нодиржон Нурматовнинг ўйинига қандай баҳо берасиз?

- Нурматов мавсумолди йиғинларда гол уриб келаётганди. Ўйин олдидан уни майдонга туширишимизни айтганимизда, 2 та гол уришини ваъда қилганди. Гол уриш бўйича сўзини устидан чиқди, 2 та бўлмаса ҳам 1 та гол урди. Унинг ўйинидан қониқиш ҳосил қилдик.

- Навбатдаги турда "Хоразм" билан ўйнайсизлар. Бугунги ғалаба ўша ўйинда ҳам мотивация беради, деб ҳисоблайсизми?

- Бизга битта ғалаба зарур эди. Кўпчилик томонидан айтилганидек, чиройли ўйин кўрсатсак-да, ютқазаётгандик. Футболда албатта натижа муҳим ҳисобланади. Ғалаба жамоамизга мотивация беради. Албатта, биз ҳар бир ўйинда ғалаба учун майдонга чиқамиз.

- Аввалги ўйинларлардан фарқли тарзда бугун жамоа дарвозасини Амирбек Лутфуллаев қўриқлади. Буни қандай изоҳлайсиз?

- Бош мураббий Асрор Алиқулов ўқишга кетмасидан олдин дарвозабон танловини айтиб ўтганди. Бугун Лутфуллаев яхши ўйин кўрсатди. Ҳозир клубимизда шароитлар яхши, бунинг учун раҳбариятга миннатдорчилик билдирамиз. Бундан ташқари, жамоамизда Нурулло Ҳабибов дарвозабонлар мураббийи лавозимида иш бошлади. Бу ҳам дарвозабонларимиз ўйин сифати ўсишига хизмат қилади.

- Жамоа бош мураббийи Асрор Алиқулов қачон клубга етиб келади?

- Асрор Чориевич айни дам мураббийлик курслари юзасидан Озарбайжонда бўлиб турибди. Насиб бўлса, эртага клубимиз ихтиёрига етиб келади.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика