"Болалигимда шундай ўйлардим: 35 ёш пайтимда Мадейрада балиқ тутиб ўтираман"
06 фев 2020 13:26
Янгиликлар

"Болалигимда шундай ўйлардим: 35 ёш пайтимда Мадейрада балиқ тутиб ўтираман"

Португалия терма жамоаси ва Туриннинг "Ювентус" клуби форварди Криштиану Роналду кеча, 5 февраль санасида 35 ёшга тўлганидан хабарингиз бор.

Видео Криштиану Роналдуга машина совға қилишди

Кришти болалик пайтлари футболда бундай узоқ ва муваффақиятли фаолиятни кутмаганини айтиб ўтди.

"Ёш болакай бўлган пайтимда шундай ўйлардим: 35 ёшимда Мадейрада балиқ тутиб ўтираман. Ўша пайтлари бугунги кунгача тўп тепган жойларим ва у ерларда қўлга киритган ютуқларимга эга чиқиш ҳаёлимдан ҳам ўтмаган.

Ўйлашимча, мен олтинчи бор Чемпионлар лигасини ютишим мумкин. "Ювентус" билан менда шундай имконият бор. Бу кўплаб факторларга боғлиқ бўлган мураккаб мусобақа. Лекин, бунинг иложи бор. Чунки, бизда жуда яхши жамоа бор. Биз қадамба-қадам олдинга интиаяпмиз", - дея Роналдунинг сўзларини келтирди Португалиянинг "A Bola" нашри.

Жорий мавсум Роналду ўз клубида 27та ўйин ўтказди ва унинг ҳисобида 22та гол ҳамда 3та голли пас бор. Унинг "Ювентус" билан шартномаси 2022-йилнинг ёзига қадар мўлжалланган. Бундан олдин Кришти Лиссабоннинг "Спортинг", Англиянинг "Манчестер Юнайтед" ҳамда Мадриднинг "Реал" жамоаларида тўп тепган. Бундан ташқари, Португалия терма жамоасида 164та ўйинда 99та гол урган.

Ҳавола :

Манба : A Bola

Янгиликларни Телеграмда ўқинг!

Рейтинг: +43