Болалар футболи. Андижон вилоятида “Келажак лигаси” старт олди
22 июн 2018 12:10
Янгиликлар

Болалар футболи. Андижон вилоятида “Келажак лигаси” старт олди

ЎФА Футболни ривожлантириш бошқармаси ходимлари жорий йилнинг май ойида болалар ва ўсмирлар футболини ўрганиш ва жойларда мусобақалар сонини ошириш мақсадида Республикамиз ҳудудларида хизмат сафарларида бўлиб қайтишган эди.

Сафарлардан асосий мақсад вилоятлардаги мавжуд вазиятни чуқур ўрганиб чиқиш, мусобақалар сонини ошириш, болалар лигаларини йўлга қўйишдан иборат бўлган.

Хозирги кунга келиб вилоятларда болалар лигалари йўлга қўйилди ва баҳслар қизғин давом этмоқда.

18 июн куни Андижон вилоятида ҳам “Келажак лигаси” старт олди. Унда 2007-2008, 2005-2006 ҳамда 2003-2004 йилда туғилган болалар иштирок этмоқда. Ушбу Болалар лигасида Андижон вилоятидан жами 21 та жамоа қатнашяпти. Мусобақаларда хар бир ёш тоифалари 4та ҳудудга бўлинган ҳолда, баҳсларга киришишди.

Мусобақа 2 босқичда ўтказилади. Биринчи босқичда жамоалар ҳудудларга бўлиниб, айланма тарзда икки даврада уйда- меҳмонда ўйин олиб боришади. 2-босқичда ўз ҳудудларида биринчи ва иккинчи ўринларни эгаллаган 8та жамоа иштирок этади. Ўз худудларида биринчи ва иккинчи ўринни эгаллай олмаган жамоалар эса қуйи лигада куч синашади.

Ҳавола :

Манба : the-uff.com

Янгиликларни Телеграмда ўқинг!

Рейтинг: +2