Темур Олимхўжаев — 70 ёшда!
01 апр 14:02
Янгиликлар

Темур Олимхўжаев — 70 ёшда!

Бугун, 1 апрель куни ўзбек футболи фахрийларидан бири, узоқ йиллар болалар футболи ривожига муносиб ҳисса қўшган Темур Олимхўжаев ўзининг 70 ёшини қарши олди.

Шу муносабат билан Республика Олимпия ва паралимпия спорт турларига тайёрлаш марказида Темур Туробовични юбилей билан табриклаш маросими бўлиб ўтди.

Тадбирда ЎФА раҳбарияти ҳамда фахрийлар кенгаши вакиллари иштирок этиб, кун қаҳрамонининг узоқ ва сермаҳсул фаолияти ёдга олинди. Шундан сўнг Равшан Эрматов Темур Олимхўжаевни футбол жамоатчилиги номидан табриклаб, узоқ умр, сиҳат-саломатлик тилади. Унинг ҳаёт йўли ёшлар учун намуна бўлишини алоҳида таъкидлади.

Темур Олимхўжаев 1975–1979-йилларда “Пахтакор” футбол клубида тўп сурган. 1979 йилда футболчилик фаолиятини якунлаб, болалар футболи мураббийи сифатида иш бошлаган. 2002 йилда Виктор Борисов ва Темур Олимхўжаев бошчилигида Ўзбекистон ёшлар терма жамоаси тарихда илк бор U-20 Жаҳон чемпионатига йўл олган. Темур Туробович 2016 йилда Ўзбекистон U-16 терма жамоаси билан Осиё кубогида иштирок этган. Шунингдек, бир неча бор “Йилнинг энг яхши болалар футболи мураббийи” деб топилган.

Ҳавола :

Манба : ЎФА матбуот хизмати

Янгиликларни Телеграмда ўқинг!

Рейтинг: +3