Темур Олимхўжаев: "Гуруҳ ғолиби бўлишга интиламиз"
20 сен 2016 20:58
Янгиликлар

Темур Олимхўжаев: "Гуруҳ ғолиби бўлишга интиламиз"

Теглар : Темур Олимхўжаев Ўзбекистон U16

Ўсмирлар ўртасидаги Осиё чемпионатининг 2-туридан ўрин олган Ўзбекистон - Яман учрашувидан сўнг Темур Олимхўжаев матбуот анжуманида иштирок этди.

"Бугун рақибимиз - Яман терма жамоаси яхши ўйин кўрсатди. Бу жамоа билан Фаластинда ўтказилган саралаш босқичида ҳам тўқнаш келгандик. Ўшанда 5:2 ҳисобида ғалаба қозонгандик. Шундан буён улар ўйин жиҳатдан катта ўсишга эришди. Улар буни бугунги ўйинда исботлашди. Бироқ биз барибир кучлироқ эканимизни кўрсатдик ва ғалаба қозондик.

Химоямиз аввалги ўйинга таққослаганда ишончлироқ ҳаракат қилди. Аммо, барибир, улар бугун ҳам кўплаб хатоларга йўл қўйишди ва Яман хавфли вазиятлар яратди.

Дарвозабонимиз яхши сейвлар амалга оширди. Тўғри. Бу унинг иши ва у ўз ишини яхши бажарди.

Танаффусдан сўнг хужумда анча фаолроқ ҳаракат қилдик. Биринчи бўлимдан кейин керакли хулосалар чиқариб, ўзгаришлар қилдик.

Бугунги ўйинлар натижаларидан қатъий назар, Шимолий Кореяга қарши ўйинда ҳам ғалаба учун майдонга тушамиз. Гуруҳ ғолиби бўлишга интиламиз.

Ҳавола :

Манба : the-uff.com

Янгиликларни Телеграмда ўқинг!

Рейтинг: +3