Бобур Зуҳриддинов: "Равшан Эрматов пенальти белгиладими, демак, бор"
09 апр 2016 18:40
Янгиликлар

Бобур Зуҳриддинов: "Равшан Эрматов пенальти белгиладими, демак, бор"

"Обод" мураббийи Бобур Зуҳриддинов "Қизилқум"га қарши ўйиндан сўнг ўз фикрларини билдирди.

"Кўрганларингдек, яхши ўйин бўлди. Мухлисларга ёқадиган учрашув гувоҳига айландик. Ғалаба учун чиққандик, аммо дурангга эришдик. Бизни фақат шу хафа қилди. Тажрибасизлигимиз туфайли очколар йўқотяпмиз. Лекин ўз ўйинимизни топиш учун мураббийлар штаби билан меҳнат қиляпмиз. Насиб қилса, олий лигада ўрнимизни топамиз. Бугунги ўйинда шогирдларимнинг ҳаракатларидан 200 фоиз қониқдим.

Пенальти ҳақида фикр билдира олмайман. Сабаби, ўша вазиятда мен пенальти бўлган жойдан 80 метр узоқликда эдим. Равшан Эрматов пенальти белгиладими, демак, бор. Ғалабани ушлаб қолиш учун эртароқ ҳимояни ўйлай бошлаганимизни хато демаган бўлардим. Боиси, “Қизилқум”дек тажрибали рақибга қарши очиқ ўйин намойиш қилиш хато деб биламан", - дейди мураббий.

Ҳавола :

Манба : championat.asia

Янгиликларни Телеграмда ўқинг!

Рейтинг: +16