БМЛ. Биринчи тур якунланди

Мусобақа жадвали 24 соат ичида эътиборингизга ҳавола этилади.

ДИҚҚАТ! Бу сафар ўзгариш қилинади. Саволлар мазкур саҳифада ҳар 5 дақиқада бериб борилади.
Қоидалар билан таништириб ўтамиз:

•   Чат қилмаслик.
•   Флуд (битта гапни қайта-қайта) қолдирмаслик.
•   "CA" томонидан жавоб берилганидан сўнг қолдирилган жавоблар инобатга олинмайди.
•   Ўқувчининг биринчи жавоби қабул қилинади.
•   Жавоб берган ўқувчи томонидан қолдириладиган кейинги ҳар қандай фикр ўчирилади.

Қонун-қоидага амал қилмаган ўқувчи 24 соатга блок қилинади.

Ҳар бир саволга 5 дақиқа вақт берилади! Саволга биринчи тўғри жавоб берган иштирокчига 2, қолган тўғри жавоб берганларга 1 очкодан берилади.

САВОЛ №1: 18:00 - 18:05 (вақт)
Италиядаги ҳаваскор жамоалардан бирида ўйнаган футболчи ўйин вақтида қулай имкониятда тўпга зарба беришга уриниб кутилмаганда оёғи билан ерни тепиб олади. Зарба жуда кучли чиққанидан футболчининг оёғи синганди. Ўша ҳолатдан сўнг футболчига ўзига хос мукофот беришганди. Нимага ва қандай мукофот?

Жавоб 1: Ўша ерда тарихий скелет топилган. Футболчига "археологик изланишлар йўлидаги ҳаракати" учун мукофот топширилган.

САВОЛ №2: 18:05 - 18:10 (вақт)
Футболда дарвозабонлар тўпни қўл билан ўйнашлари мумкин бўлган ягона амплуа вакиллари. ХХ аср бошида дарвозабонлар учун махсус қоида ишлаб чиқилган. Бу қандай қоида?

Жавоб 2: 1912 йилдан бошлаб дарвозабонлар тўпни фақат ўз жарима майдонлари ичида ушлаш ҳуқуқига эга бўлишган. Унга қадар улар майдоннинг исталган жойида тўпни қўл билан ўйнайверишган. Хатто қўл билан гол урган ҳолатлар ҳам кузатилган экан.

САВОЛ №3: 18:10 - 18:15 (вақт):

2002 йилги мавсумда олий лигада энг кўп ўйинни бошқарган ҳакам?

Жавоб 3: Рашид Айтеков 19та ўйин


САВОЛ №4: 18:15 - 18:20 (вақт):

Франция терма жамоаси аъзоси Лоран Блан қандай тарихий натижа қайд этган?

Жавоб 4: Жаҳон чемпионати тарихида илк олтин тўпни урган.

САВОЛ №5: 18:20 - 18:25 (вақт):

2006 йилги олий лигада қайд этилган энг йирик ҳисоб қайси ўйинда кузатилган?

Жавоб 5: "Навбаҳор" - "Хоразм" 10:0


Барча иштирокчиларга миннатдорчилик билдирамиз. Мусобақа жадвали 24 соат ичида тақдим этилади.