Биз 10 кун олдин йиғилиб, иккита ўртоқлик учрашуви ўтказган бир пайтда Саудия Арабистони МТЖ бугун йиғилди
31 май 2021 23:51
Янгиликлар

Биз 10 кун олдин йиғилиб, иккита ўртоқлик учрашуви ўтказган бир пайтда Саудия Арабистони МТЖ бугун йиғилди

Хабарингиз бор, Ўзбекистон миллий терма жамоаси жой олган гуруҳ баҳслари Ар Риёд шаҳрида ташкил этилади.

Миллий терма жамоамиз жаҳон чемпионати саралаш босқичининг қолган учта ўйинига 10 кун олдин йиғилди. Бу орада иккита назорат баҳсида майдонга тушишга ҳам улгурдик. Тошкентда Туркманистон термаси билан ўйнаган бўлсак, Дубайда Таиландга қарши баҳс олиб бордик.

ЖЧ-2022 саралаш иккинчи раунддаги асосий рақибимиз Саудия Арабистони эса бугундан йиғинни бошлади. Терма жамоа аъзолари йиғиннинг дастлабки куни коронавирусга тест топширишди. Эртага, 1 июндан майдондаги машғулотлар бошланади. Эслатиб ўтамиз, Саудия Арабистони - Ўзбекистон учрашуви 15 июнь куни бўлиб ўтади.