"Бейжинг Гоан"ни испаниялик мураббий бошқаради ФОТО

Аслида 2016 йил 23 ноябрь санасида бош мураббий сифатида эълон қилинган испаниялик Хосе Мануэль Гонсалес кеча Пекинга учиб келди.

Ўтган мавсум клубда италиялик машҳур Альберто Заккерони бош мураббий бўлиб ишлаганди. Май ойида Заккерони истеъфога чиқарилгач хитойлик Цье Фенг вақтинча мураббий лавозимида ишлаганди.

Ўзбекистонлик ҳимоячи Егор Кримец ўйнаётган клубни янги мавсумга Хосе Мануэль Гонсалес тайёрлайди. 1966 йилда туғилган мураббий футболчилик фаолиятида "Кадис", "Мальорка", "Албасете", "Райо Вальекано", "Малага" ва Хитойнинг "Тианжин Самсунг" клубларида ўйнаган.

2001 йилдан буён мураббий сифатида фаолият олиб бормоқда. Ҳозирга қадар "Кадис", "Албасете", "Кордоба", "Мурсия" ва "Гранада" клубларини бошқарган. 2014-2016 йилларда айнан "Бейжинг Гоан" бош мураббийи Грегорио Мансанога ёрдамчилик қилган.