Бензема 7-ўринга чиқиб олди ФОТО
15 окт 2017 11:01
Янгиликлар

Бензема 7-ўринга чиқиб олди ФОТО

«Реал» ҳужумчиси Карим Бензема «Хетафе»га қарши ўйинда (2:1) гол урди.

Бу 29 ёшли франциялик футболчи учун мадридликлар сафдаги 182-гол бўлди. Энди у клуб тарихида гол уриш борасида Франсиско Хенто билан 7-ўринни эгаллаб турибди.

6-ўринда 208та гол урган Уго Санчес қайд этилган. Клубнинг энг яхши тўпурари - Криштиану Роналду (413та гол).

Бензема Ла лигада 123та, ЕЧЛда 39та, Испания Кубогида 15та, клублар ўртасидаги ЖЧда 3та ва Испания Суперкубогида 2та гол урган.

Бензема 372та ўйинда 182та гол урди. Хенто эса шунча голни 601та ўйинда урган.