Бекхэм Англиянинг 5-лига ўйинига ташриф буюрди ва 30 дақиқа вақтини мухлисларга ажратди
18 фев 2019 13:06
Янгиликлар

Бекхэм Англиянинг 5-лига ўйинига ташриф буюрди ва 30 дақиқа вақтини мухлисларга ажратди

"Манчестер Юнайтед" собиқ футболчиси Дэвид Бекхэм жорий йилнинг январь ойида Англиянинг бешинчи дивизионида иштирок этувчи "Солфорд Сити" клубининг 10% акциясини сотиб олди.

Бекхэм "Синф-92" деб номланувчи - МЮ академиясининг 1992 йилдаги битирувчилари каби "Солфорд" акцияларини харид қилди. Ака-ука Невиллар, Пол Скоулз, Райан Гиггз ва Никки Баттлар 10%дан акция сотиб олишган.

Шанба куни "Солфорд" уйида 5-лиганинг аутсайдери "Довер Атлетик"ни қабул қилди. Ушбу ўйинга Бекхэм ташриф буюрди. Афсонанинг ташрифи "Солфорд" мухлислари учун катта воқеага айланди, шу сабабли Бекхэм 30 дақиқа давомида стадион олдида ишқибозларга дастхат тарқатиб, улар билан суратга тушди.