UZ

Сўнгги янгиликлар

10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  0 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  5 09:51Пике «Барселона» бош мураббийлиги учун икки номзодни айтди  0 09:23Англия терма жамоаси Евро-2024 учун либосини тақдим этди  1 09:15Рустам Мирсодиқов 70 ёшда!  1 08:52«Арсенал»нинг яна бир футболчиси термада ўйнашдан бош тортди  4 08:25Стерлинг кечирим сўради  2 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  8 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  5 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  1 21:29Португалия терма жамоаси Евро-2024да фойдаланадиган либослар намойиш этилди  2

Бундеслига. "Бавария" сафарда "Байер"ни мағлуб этди Янгиликлар

Бундеслига. "Бавария" сафарда "Байер"ни мағлуб этди

Теглар :  Байер Бавария
Германия Бундеслигаси 30-туридан ўрин олган "Байер" - "Бавария" учрашуви ўз ниҳоясига етди.

Байер – Бавария 2:4 

«БайАрена»

Голлар: 1:0 – 9 Аларио, 1:1 – 27 Коман, 1:2 – 42 Горетцка, 1:3 – 45 Гнабри, 1:4 – 66 Левандовски, 2:4 – 89 Виртц.

Байер – Градецки, Драгович, Тапсоба, Бендер, Амири (Демирбай, 46), Арангис, Баумгартлингер (Паулиньо, 62), Диаби, Бельараби (Виртц, 46), Бэйли (Венделл, 46), Аларио (Фолланд, 76).

Бавария – Нойер, Боатенг, Алаба, Павар, Киммих, Гнабри (Алькантара, 74), Дэвис (Люка Эрнандес, 85), Горетцка (Мартинес, 74), Коман (Перишич, 66), Левандовски, Мюллер.

Огоҳлантиришлар: Коман (8), Амири (30), Левандовски (32), Бельараби (35), Мюллер (40), Драгович (74).

18:15.  Ассалому алайкум, қадрли футбол мухлислари! Бундеслиганинг 30-туридан ўрин олган марказий баҳсга хуш келибсиз! 

18:18. Афсуски, бугунги ўйиндан олдин нохуш хабар тарқалди. "Байер" етакчиси Кай Хаверц мушакларидаги муаммо туфайли баҳсни ўтказиб юборишга мажбур. Лекин шунга қарамай учрашув қизиқарли ўтишига шубҳа йўқ.

"БайАрена" бугунги тўқнашувга тайёр! 

"Бавария" ирқчиликка қарши кураш доирасида махсус либосларда машғулот олиб борди. 

18:30.  Ўйин бошланди!

4.  Жамоалар ўзаро тенг ўйин намойиш этишмоқда, бироқ "Бавария" тўпга эгалик қилишга уринмоқда.

6. "Байер" ўнг қанотдан ҳужумга интилди. Меҳмонлар ҳимоячилари тўпни ўз жарима майдонларига яқинлаштиришмаяпти. 

8. Кингсли Коман бирин-кетин рақибларни алдаб ўтишга уринди ва йиқилди, бу эса ҳакам томонидан симуляция деб топилди.

9.  ГОООООООООООООООООООООЛЛЛЛЛЛЛЛ!  Лукас Аларио "Бавария" дарвозасини ишғол этди!   Мезбонлар олдинга чиқиб олишди. 1:0!  

15. Мезбонлар Хаверцсиз ҳам кучли ўйин кўрсатмоқдалар. 

18.  "Бавария" негадир тўпни рақибга жуда тез олдириб қўймоқда. 

21. "Бавария" футболчиларидан ўзига хос комбинация, бироқ ҳозирча самарасиз. 

22. Белларабидан олдинга узатма, аммо тўпга Нойер эгалик қилди. 

25. Командан узатма - Левандовскининг бош билан зарбаси! Афсуски, кучсиз ва бесамар амалга оширилди. 

27. ГООООООООООООООООООООООООООООЛЛЛЛЛЛЛЛЛЛ! "Бавария" майдон марказида тўпни рақибдан олиб қўйди. Коман тезкорлик билан ҳужумга ўтди ва дарвозабон билан бирга бир вазиятга чиқиб бориб, ҳисобни тенгдаштирди. 1:1! 

31. Киммихнинг жарима зарбасидан йўллаган зарбаси Градецкига қийинчилик туғдирмади. 

32. Левандовски қўполлиги эвазига сариқ карточкага лойиқ кўрилди ва энди поляк кейинги ўйинни ўтказиб юборади. 

35. Беллараби ҳам огоҳлантирилди. У Дэвисга нисбатан ўта қўпол ўйнади.

37. Аларио ҳужумда қоидани бузди.  

38. Амири ва Диаби комбинацияси. Диабидан зарба! Бироқ Нойер ўз ўрнида.

40. Мюллерга қоидани бузгани учун сариқ карточка кўрсатилди. Томас Мюллер ҳам кейинги учрашувда қатнашмайдиган бўлди.

42. ГООООООООООООООООООЛЛЛЛЛЛЛ!  "Бавария" қарши ҳужумга ўтди. Вааау!  Горецканинг узоқдан йўллаган зарбаси голга айланди! "Бавария" олдинга чиқиб олди. 1:2!

45. ГООООООООООООООООООООООООЛЛЛЛЛЛ! Сал олдинроқ бирга бир вазиятдан фойдалана олмаган Гнабри бу сафар чиройли гол урди! 1:3!

Биринчи бўлим тугади. Танаффус! 

"Бавария" ўйинчилари махсус боғичларда ҳаракатланишмоқда. Унда Black Lives Matter ("Қоралар ҳаёти аҳамиятга эга") деб ёзилган. 

46. Иккинчи бўлим бошланди! 

48. "Бавария"да бурчак зарбаси. Тўп "Байер" дарвозабони қўлига келиб тушди ва у жамоадошларини олдинга бошлади. Диавбидан зарба... анча ноаниқ.  

50. Коман яхши вазиятга чиқиб бораётган Мюллерга пас берди. Мюллернинг зарбаси бир оз ноаниқ кетди. 

52. Ўйин тенг курашлар остида кечмоқда. 

54. "Байер" қанотдан ҳужумга отланмоқда. Диаби Павар томонидан йиқитилди. Демирбай жарима зарбасини амалга оширилди, тўп эса ҳеч кимга тегмасдан майдон ташқарисига чиқиб кетди.  

55. Демирбай бурчак зарбасини муваффақиятсиз амалга оширди. 

57. Майдон марказида Киммихга нисбатан қўполлик ишлатилди. 

60. Ҳимоядан ошириб берилган тўп Алариога етиб келди, аммо офсайд қайд этилди. 

61. Левандовски Дэвисга тўпни узатди, Дэвис эса қанотдан ичкарига оширди, лекин "Байер" ҳимоячилари тўпни майдон ташқари томон тепиб юборишди. 

62. "Бавария"нинг бурчак тўпи муваффақият келтирмади. 

62. "Байер"да ўзгариш. Баумгартлингер ўрнига Паулиньо майдонга туширилди.  

64. Зарба! Гнабри яқин масофада қулай имкониятдан фойдалана билмади. 

66. ГООООООООООООООООООООООООООООООООООЛЛЛЛЛЛЛЛ! ЛЕВААААААААНГОООООООЛЛЛСКИ! А ЙЎҒЕЕЕЕ! ЛЕВАНДОВСКИдан бош билан урилган гол! Ҳисоб 1:4 га ўзгарди! 

Бу гол Левандовскининг жорий мавсумдаги 30-голи бўлди. 

71. "Байер" шиддат билан олдинга интилаётганди, бироқ "Бавария" ҳимоячилари тўпни олиб қўйишди.

74. Горецка қанотдан ҳужумга ўтаётганидан тўхтатиб қолинди, бу учун Драговичга сариқ кўрсатилди. 

74. "Бавария"да ўзгариш. Флик Гнабри ва Горецка ўрнига Мартинес ва Тиагони майдонга туширди. 

76. "Байер"да навбатдаги ўзгариш. Аларио ўрнига Фолланд ўйинга қўшилди.   

78. Диабининг зарбасини Нойер майдон ташқарисига чиқариб юборди. Бурчак тўпи самара бермади. 

80. "Бавария" тўпга эгалик қилмоқда. Левандовскидан тўпни олиб қўйишди.

81. Вирц томонидан кучсиз зарба йўлланди. Нойер тўпни шунчаки қабул қилиб олди. 

83. Нойер Дэвисни чап қанотдан олдинга бошлади. Тўп Перишичга, кейин Тиагога етиб келди... Яна қанотга пас. Дэвиснинг узатмаси муваффақият келтирмади.   

85. "Бавария"да ўзгариш. Меҳмонларнинг энг фаол ўйинчиларидан бири Дэвис майдонни тарк этди, унинг ўрнига Люка Эрнандес туширилди. 

86. Диаби бугун жуда яхши ўйин кўрсатмоқда, аммо унга яхши шерик етишмаяпти. Балки, Хаверц етишмагандир...

89. ГОООООООООООООООООООООЛЛЛЛЛЛЛЛЛЛЛЛЛ!  ФЛОРИИИАНН Вииирррц  Нойер дарвозасига чиройли гол урди!   

90. Ўйинга ҳакамлар томонидан 4 дақиқа қўшиб берилди. 

90+4. Киммих бурчак зарбасини амалга оширди. Тўп Нойергача етиб келди. 

БАҲС ЯКУНЛАНДИ! "Бавария" сафардан йирик ҳисобдаги ғалаба билан қайтадиган бўлди. Хизматингизда камина Шерзод Нурматов бўлди ва бу менинг дебютим эди. Камчиликлар учун узр. Кейинги ўйинларда кўришгунча!  

Турнир жадвали

Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика