Бартомеу Неймарни ортга қайтармоқчи. "Барса" бразилиялик учун Гризманн ва 50-60 миллион евро таклиф қилишга тайёр

Каталония клуби президенти Жозеп Бартомеу трансфер режаларини ўзгартиришга қарор қилди. У тезда жамоанинг ўйинини ва унинг атрофидаги кайфиятни ўгартирмоқчи.

Бир ой олдин "Барселона" юқори нарх сабаб Неймарни ПСЖдан харид қилишдан воз кечганди ва "Интер" форварди Лаутаро Мартинес билан шартнома имзолашга уринганди.

"Барселона" энди ПСЖ билан келишишга ҳаракат қилмоқчи ва Неймар борасидаги битимга Антуан Гризманни қўшмоқчи. "Барселона" 50-60 миллион евро миқдоридаги маблағ қўшимча қилинса, парижликлар қизиқиши уйғонишига ишонмоқда. Бунинг унинг бразилиялик клубга босим ўтказиши ва "Барселона"га қайтиш истагини билдириши ҳам керак бўлиши мумкин.

Шунингдек Гризманн асосий таркибдаги ўрнини йўқотганлиги сабабли трансферга розилик билдириши тахмин қилинмоқда.

Бундан ташқари Бартомеу Неймарнинг қайтиши мухлисларнинг клуб раҳбариятига бўлган муносабатини ўзгартиради деб ўйламоқда.