Азиз Тўхтамуродов: "Қуръа олдидан аксар жамоалар "Лестер"ни истаганди"

"Боруссия Д" - "Монако"

- Фикримча, айнан ушбу баҳс бугунги учта ўйин ичида энг томошабопи бўлади. Интрига масаласида ҳам ушбу тўқнашув қолганларга нисбатан етакчи бўлса керак. Умуман, ушбу ўйинни фақат ва фақат томоша қилиш керак. Ортиқча гап-сўзга ҳожат йўқ.

"Атлетико" - "Лестер"

- Қуръа олдидан аксар жамоалар "Лестер"ни истаганди ва якунда "тулкилар" Мадриднинг "Атлетико"сига насиб этди. Аммо, "Лестер" Еврокубокда ажойиб иштирок этмоқда ва "матрасчилар" учун чақилмас ёнғоқ вазифасини бажариб бера олиши керак. Ўйин Испанияда бўлиб ўтаётганини ҳисобга олсак, ушбу баҳсда "Атлетико" 1-2 тўп фарқи билан ғалаба қозонса керак.

"Бавария" - "Реал"

- Чорак финалдаги энг "юлдузли тўқнашув". Ушбу жуфтликда ҳам кейинги босқичга ким чиқишини олдиндан айтиш мушкул. Лекин, шуниси аниқки, бугун "Бавария" ўз майдонида бўлиб ўтадиган ўйинда тўплар нисбатини яхшилаб олишга астойдил ҳаракат қилади.