Аёллар футболи афсонаси Марта ўзининг Олимпиададаги катта эҳтимол билан сўнгги ўйинида қизил карточка олди
31 июл 22:30
Янгиликлар

Аёллар футболи афсонаси Марта ўзининг Олимпиададаги катта эҳтимол билан сўнгги ўйинида қизил карточка олди

Олимпиада ўйинлари драмаларга бой бўлмоқда.

Бразилия аёллар терма жамоаси футболчиси, 38 ёшли Марта Олимпия ўйинлари футбол мусобақаси учинчи туридан ўрин олган Испанияга қарши ўйинда қизил карточка олди. Марта биринчи бўлимга қўшиб берилган дақиқада тўғридан тўғри қизил карточка олди ва майдонни йиғлаб тарк этди.

Шундан сўнг, бир киши кам бўлиб қолган Бразилия Испаниядан иккита гол қабул қилиб олди ва мағлубиятга учради. Уч турдан сўнг 3 очко тўплаган Бразилия гуруҳда учинчи ўринни эгаллади. Марта учун эса бу ўйин катта эҳтимол билан Олимпия ўйинларидаги сўнгги учрашув бўлиб қолади.

Бразилия – Испания 0:2

Голлар: дел Кастильё 68', Путельяс 90+17