Айбек Нурбаев: "Илк турда "Арал"га қарши баҳсдаги мағлубиятдан кейин футболчиларни руҳий ўрадан олиб чиқиб кетишим керак эди"

"Бугун стадионга келиб бизни қўллаб турган барча мухлисларга раҳмат айтаман. Ўз уйимизда ғалаба қозонмасак бўлмасди. Яқиндагина кубок баҳсини ўтказдик ва қисқа муддатда иккита ўйинда майдонга тушдик. Тикланиш осон бўлмади. "Олимпик"нинг "Локомотив" билан ўйинини кўриб чиқдик ва рақибни яхши ўргандик. Ҳар бир футболчининг ҳаракатларини ўргандик. Олдинда бизни "Локомотив" ва ФарДУга қарши иккита сафар ўйини кутиб турибди. Бугун майдонга тушган ва захирада қолган барча футболчига раҳмат айтаман. 

Илк турда "Арал"га қарши баҳсдаги мағлубиятдан кейин футболчиларни руҳий ўрадан олиб чиқиб кетишим керак эди. Ўша баҳсни тезроқ унутиш учун кўриб ҳам чиқмадик. 

"Олимпик" ўтган йил Суперлигада ўйнаганди. Таркиби ўзгариб кетган. Жамоа "Локомотив"га қарши жуда яхши ўйнади ва 2:0 ҳисобида олдинда ҳам борди. Ҳар бир футболчисининг келажаги бор деб ўйлайман. 

Стандартлар устида кўпроқ ишлашимиз кераклиги биламиз. Йигитларимизга бироз тажриба ҳам етишмаяпти. Машғулотларда кўпроқ ишлаймиз. 

Асадулла Қутибоев "Насаф"да эди ва март ойида бизнинг жамоамизга келиб қўшилди. Шу боис ҳали тўла киришиб кетгани йўқ. 

Руслан Ануаров ва Шуҳрат Дарьябаев сариқ карточкаси борлиги учун алмаштирдик. Қизил карточка олиб қўймаслиги учун шундай қилдик", - деди Айбек Нурбаев.