"Атлетико"нинг бир нечта футболчиси январда сотилади

Ўтган ҳафтада "матрасчилар" Европа Чемпионлар Лигаси гуруҳ босқичидан чиқа олмаслиги маълум бўлиб қолган эди. Жамоа ўрин олган гуруҳда сешанба куни охирги баҳсини ўтказди ва ҳатто Европа Лигаси йўлланмасидан ҳам қуруқ қолди. Клуб эгаларининг ҳисоб-китобларига кўра, клублар ўртасидаги қитъанинг топ-мусобақаларини эрта тарк этиш 20 млн еврогача бўлган даромаддан айиради. Европа Лигаси финалига чиқиш клубга 10 млн евро олиб келиши мумкин эди. 

"Атлетико" ёзда ҳужумчи Альваро Мората ва ярим ҳимоячи Сауль Ньигеснинг трансферлари орқали 40 млн евро ишлаб олмоқчи эди. Бироқ уларнинг ҳеч бири жамоани тарк этмади. Энди клуб бу ўйинчиларни таркибдан чиқариб юбориб, январдаги трансферларга ҳозирлайди.