"Atletiko Madrid" klubi o'zining eski logotipiga qaytadi. Klub bu qarorga muxlislar ovoz bergan so'rovnoma natijalaridan so'ng kelgan. So'rovnomada 138881 nafar "Atletiko" muxlisi qatnashdi. Ularning 88,68% qismi eski logotipga ovoz bergan. Endi "Atletiko Madrid" klubi 2024-2025 yilgi mavsumdan (2024 yilning 1 iyul sanasidan) boshlab o'zining eski ramzida harakat qiladi. Qayd etish joizki, klub taqdim qilgan logo eski logodan kichik farqqa ega – sariq xoshiya olib tashlangan.
Hozirgi logotip:
2024 yilda yangilanadigan logotip:
Eslatib o'tamiz, "Atletiko" 2017 yilda o'zining yangi logotipini e'lon qilgandi.
