"Атлетико" Облакни сотишга тайёр

Мадриднинг "Атлетико" клуби дарвозабон Ян Облакни сотиш имкониятини кўриб чиқмоқда, деб хабар берди AS. "Матрасчилар" мавсум бошида ўйинчи учун таклифларни тинглашга тайёр бўлишади.

Мадридликлар таркибни янгилаб, клубнинг энг кўп маош олувчи футболчиларини сотмоқчи. Словениялик ҳам улардан бири. Унинг маоши йилига 10 миллион еврони ташкил қилади.

Облак "Атлетико" уни сотмоқчи эканлиги ҳақида огоҳлантирилган. Бу ҳолатда 31 ёшли посбон фаолиятини АПЛда давом эттирмоқчи. "Атлетико" унинг ўрнига "Валенсия"дан Георгий Мамардашвилини таклиф этмоқчи. "Кўршапалаклар" футболчини 25 миллион еврога баҳоламоқда.