"Атлетико" мухлислари Феликсни сотқин деб ҳисоблашмоқда
06 дек 2023 00:55
Янгиликлар

"Атлетико" мухлислари Феликсни сотқин деб ҳисоблашмоқда

"Атлетико" мухлислари кенгаши раиси Альберто Гарсия футболчи Жоау Феликснинг жамоага қайтишига жамоа мухлислари қарши эканлигини айтди.

Эслатиб ўтамиз, 2029 йилгача "Атлетико" билан шартномаси бор футболчи айни дамда "Барселона"да ижара асосида ўйнамоқда ва кеча тунда ушбу жамоалар иштирокидаги ўйинда Каталония клуби учун ғалаба голини урди.

"Феликс ҳудди соврин ютгандек голни нишонлади. Шу орқали у "Атлетико" мухлисларига ҳурматсизлик намойиш қилди. Биз уни доимо қўллаб-қувватлагандик.
Феликсни "Атлетико" либосида кўришни истамаймиз. У бунга лойиқ эмас.
Агарда Феликс бизни хафа қилишни истамаганида бундай қилмаган бўларди. Феликс энди биз учун сотқинлар рўйхатига киритилди. Ушбу рўйхатда Уго Санчес, Тибо Куртуа каби футболчилар бор", - деди Гарсия.

Ҳавола :

Манба : Marca

Янгиликларни Телеграмда ўқинг!

Рейтинг: +6