«Атлетико» – «Атлетик». Мезбонлар Фалькаони қўллаб-қувватлашди

Мадрид клуби футболчилари Испания кубоги 1/4 финали доирасидаги «Атлетик»ка қарши ўйинга (1:0) «матрасчилар»нинг собиқ ҳужумчисига аталган футболкаларда тушишди.

Эслатиб ўтамиз, Фалькао Франция кубоги доирасида  «Монт д’Ор Азерг» клубига қарши ўйинда (3:0) жиддий жароҳат олди.

Колумбиялик ҳужумчи 6-8 ой майдонга туша олмайди. Бу ҳақда Фалькаонинг соғлиғига жавобгар бўлган шифокор Жозе Карлос Норона маълум қилди. Яқин орада 27 ёшли ҳужумчи тиззасини операция қилдиради.