“Астон Вилла“ тўхтамаяпти! Клуб навбатдаги трансферни эълон қилди
17 июл 2019 01:45
Янгиликлар

“Астон Вилла“ тўхтамаяпти! Клуб навбатдаги трансферни эълон қилди

АПЛга қайтга «Астон Вилла» янги мавсум олдидан таркибни кучайтиришда давом этмоқда.

Бу сафар клуб «Олимпиакос» ҳимоячиси Бьорн Энгелснинг трансферини эълон қилди. 24 ёшли футболчи Бирмингем шаҳри жамоаси билан 4 йиллик келишувга эришган. Энгелснинг трансфер суммаси эса 11,1 млн. еврога баҳоланган. У ўтган мавсумни ижара асосида «Реймс»да ўтказиб, Лига 1 доирасидаги 33 баҳсда иштирок этди ва ўз ҳисобига 1+1 натижани ёзиб қўйди.

Шу тариқа, бельгиялик ўйинчи «Астон Вилла» томонидан ёзги трансферлар ойнасида харид қилинган саккизинчи футболчига айланди.

Аввалроқ, бирмингемликлар Уэсли (25 млн. евро), Тайрон Мингс (22,3), Мэтт Таргетт (15,6), Эзри Конса (13,3), Анвар Эл Ғози (9), Хота (4,5), Кортни Хаус (3,4) каби футболчилар билан шартнома имзолаганди. Ҳозирча, «Астон Вилла» трансферлар учун умумий 100 млн. евро сарфлади.