Асрор Алиқулов мутлоқ рекорд соҳиби!
25 авг 2015 22:35
Янгиликлар

Асрор Алиқулов мутлоқ рекорд соҳиби!

"Шўртан" ҳимоячиси Асрор Алиқулов Олий лиганинг 20-тур учрашуви "Пахтакор"га қарши баҳснинг сўнгги дақиқасида майдонга тушди.

Асрор Алиқулов учун бу учрашув Олий лигадаги 500-ўйин бўлди.

Тажрибали ҳимоячи Олий лигада энг кўп учрашув ўтказган футболчи ҳисобланади.

Асрор Алиқулов ўз вақтида "Насаф", "Пахтакор", "Динамо" ҳамда "Шўртан" жамоалари сафида ҳаракат қилган.

Ўзининг собиқ жамоаси "Пахтакор"га қарши баҳс Алиқулов учун унутилмас кун бўлди. Асрор Алиқулов Олий лигада 500та учрашув ўтказган биринчи футболчи бўлиб тарихдан жой олди.