Асрор Алиқулов: "Кубокка даъвогар жамоани мусобақадан чиқариб юбордик. "Нефтчи"нинг услубига тайёр эдик"

– Ўйин ҳақида

– Бугун айрим футболчиларга дам беришга қарор қилгандик. "Нефтчи"нинг услубига мос ўйин кўрсатдик. Тўп назоратини биринчи ўринга қўйдик. "Нефтчи"ни босим қилишга ундаб, кейин ўз ўйинимизни кўрсатишни режа қилгандик. Ўйлаган барча режамиз ҳар сафар ҳам ўхшайвермади. Ўйин охирида кўпроқ ҳимояландик. "Нефтчи" кубок ғолиблигига даъвогар эдик. Биз эса бу клубни мусобақадан чиқариб юбордик.

– Учрашув қайдномасидан жамоанинг асосий ўйинчилари жой олмади. Лекин улар стадионга келишди. Уларнинг олиб келинганини сабаби нима эди?

– Кейинги ўйинимиз "Навбаҳор"га қарши. Шу сабабли бутун жамоани ўзимиз билан олиб келдик. Водийда қоламиз кейинги ўйинга қадар. Қўқонда тайёргарлик олиб бормоқчимиз.

– "Нефтчи"га бугун нима етишмади?

– Рақиб жамоа ўзига хос ҳужум қилди. Иккита кенгликда ўйновчи футболчи. Қанотлардан паслар, қайсидир ҳолатда юқоридан пас. Иккинчи темпда ҳужум қилиш. "Нефтчи"нинг бу услубига тайёргарлик кўрган эдик. Ҳар бир вазиятда 100% уларни зарарсизлантира олмаган бўлсак ҳам, якунда гол уришга имконият қолдирмадик. Жамоамиз ҳимоя чизиғи яхши ҳаракат қилди дея оламан. "Нефтчи"да бизни менсимаслик ҳолати бўлган ёки йўқ, буни билмайман. Узун пасларга биз тайёр эдик. 

Гол бўлган вазиятда стандарт ҳолатда икки футболчимиз ўз жойини ўзгартирди. Тўп узатиш ҳам яхши чиқди. Бу олдиндан ўйланган режа эди.  

– Ўзбекистон кубоги навбатдаги босқичида ким рақиб бўлишини истаган бўлардингиз?

– Биз ҳар бир ўйинга алоҳида тайёргарлик кўряпмиз. Кейинги рақиб кимлигини билганимиздан сўнг шунга қараб иш қиламиз.

– Давралар оралиғида таркибни кучайтириш режада борми?

– Режада бор, албатта.

– Жамоа ўйинга тушишидан олдин режа қандай эди? Голдан сўнг тактикада ўзгариш бўлдими?

– Биз иккинчи жамоа бўлиб ўйнаш ниятимиз йўқ эди. Ўйинни яхши бошладик. Учрашув бошида бироз асабийлашдик. Бунга сабаб ўйин бошида "Нефтчи" иккита ҳужумчи билан бизга босим қиляпти. Бизнинг тўрт ҳимоячи ва дарвозабонимиз эса асосан узун тўплар билан ўйнашди. Узун тўплар кўп ҳолатда тўп йўқотишга олиб келади. Бу ўйинда ҳимояланишимиз аниқ эди. Қайсидир ҳолатларда биз босим қилдик, баъзида ҳимояландик. Қарши ҳужум деган режа йўқ эди. Голни биз урдик, агар "Нефтчи" гол урганда бошқача бўлиши мумкин эди. Бизда чарчоқ кучли эди. Тезлик борасида ҳам бу сезилди. "Нефтчи"да яхши футболчилар йиғилган.

– Асрор Алиқулов бошчилигида "Машъал" Про лигада ҳа шу босқичга етиб келган. Сизда битта ўйинга яхши тайёрланиш бўйича малака борга ўхшади...

– "Нефтчи"га тайёрландагдик. Ҳар сафар ҳам бу ўхшашига кафолат йўқ. Айрим ҳолатларда биз ўйлаган режа иш беради, баъзида эса йўқ. Битта ўйинда ғалаба қозондик дегани, бўлди дегани эмас. Биз курашишда давом этамиз.