Аср бошида Ла Лига чемпионига айланган "Депортиво" 40 йилда илк бор 3-дивизионга равона бўлди
21 июл 2020 12:33
Янгиликлар

Аср бошида Ла Лига чемпионига айланган "Депортиво" 40 йилда илк бор 3-дивизионга равона бўлди

Бир пайтлар ажойиб клуб бўлган "Депортиво" пасайишда давом этмоқда.

Ла-Корунья жамоаси Сегундада жон сақлаб қола олмади ва Испанияда мавқеи жиҳатидан учинчи ўринда турувчи дивизонга тушиб кетди.

41 турдан сўнг галисияликлар хавфли ҳудуддан узоқлашиш имкониятини бой беришди. Жамоа 48 очко билан жадвалда 22та жамоа орасидан 20-ўринда жойлашган. 18-ўринда кетаётган "Понферрадина" "Депортиво"дан 3 очко олдинда, аммо ўзаро ўйинлар бўйича натижа улар томонда.

Таъкидлаш керакки, Ла Корунья клуби сўнгги 40 йилда илк бор учинчи дивизионга тушиб кетди. "Депортиво" 1999/00 йилги мавсумда Испания чемпиони бўлган ва беш марта кумуш медалларни қўлга киритган. Шунингдек клуб икки бор мамлакат Кубоги ва 3 бор Суперкубокка эга чиққан.