Асенсио "Реал"ни тарк этиши мумкин

Манбанинг хабарига кўра, "Реал" ўз футболчисини 30-35 миллион евро эвазига қўйиб юборишга тайёр. Асенсиони "Интер" ва "Ливерпуль" диққат билан кузатиб боради. Испания клуби футболчини маошини оширишни талаб қилгани сабабли сотишга қарор қилди.

Ўтган мавсумда 26 ёшли Марко Асенсио барча мусобақаларда 42 ўйинда майдонга тушиб, 12 гол ва 2 голга ассистентлик қилган. Transfermarkt портали маълумотларига кўра, футболчининг нархи қирқ миллион еврога баҳоланган. Ярим ҳимоячининг "Реал" билан шартномаси келаси мавсум охирида якунига етади.