Аргентина ва Венесуэла баҳси олдидан қизиқ статистика
28 июн 2019 23:30
Янгиликлар

Аргентина ва Венесуэла баҳси олдидан қизиқ статистика

Бироздан сўнг, Копа Америка-2019нинг чорак финалидан ўрин олган Аргентина ҳамда Венесуэла баҳсига старт берилади.

Аргентина рақибларига қарши сўнгги уч баҳсдан буён зафар қуча олмаяпти.

ЖЧ-2018 саралаш ўйинлари доирасидаги иккала учрашувда ҳам дуранг (2:2, 1:1) натижа қайд этилган бўлса, жорий йилнинг мартида ўтказилган ўртоқлик ўйинида эса венесуэлаликларнинг қўли баланд (1:3) келганди.

Умуман, Аргентина охирги маротаба уларни 2016 йилги Копа Америка мусобақасининг айнан 1/4 финалида йирик ҳисобда (4:1) мағлубиятга учратганди. Ўша баҳсда голларни аргентиналиклар сафида Гонсало Игуаин (дубль), Лионель Месси ҳамда Эрик Ламела киритган бўлса, жавоб тўпини бугунги учрашувда ҳам қатнашадиган Соломон Рондон урганди.

Ҳавола :

Манба : championat.asia

Янгиликларни Телеграмда ўқинг!

Рейтинг: +4