АПЛда жавлон ураётган дарвозабон Филиппиннинг ОК-2019 учун якуний рўйхатига киритилмади
29 дек 2018 12:52
Янгиликлар
![](https://championat.asia/upload/storage/469257_original.jpg)
![](/upload/storage/469257_220.jpg)
АПЛда жавлон ураётган дарвозабон Филиппиннинг ОК-2019 учун якуний рўйхатига киритилмади
Филиппин терма жамоасининг энг асосий юлдузи ҳисобланган дарвозабон Нил Этериж мусобақа учун якуний 23талик рўйхатга киритилмади. Аввалроқ, сайтимиз орқали унинг фақатгина биринчи турда ўйнаши ва кейин Британияга қайтиб кетиши ҳақидаги хабарни чоп этган эдик. Буни шахсан Филиппин футбол Федерацияси президенти Мариано Аранетанинг ўзи таъкидлаб ўтганди. Аммо, якунда "Кардифф" дарвозабони қитъа биринчилигига бормайдиган бўлди.
"Кардифф" 2019 йилнинг 1 январь куни "Тоттенхэм", 5 январь — Кубок баҳсида "Гиллингем", 12 январь — "Хаддерсфилд" ва 19 январь куни "Ньюкасль"га қарши ўйин ўтказади.
Маълумот учун, айни пайтга келиб Нил Этериж АПЛда жорий мавсумда энг кўп сейв амалга оширган учинчи дарвозабон бўлиб турибди (71та сейв). Ундан олдинда фақат Жо Харт (77та сейв) ва Лукаш Фабиански (73та сейв).
Филиппин терма жамоаси таркибида Осиё кубоги-2019да иштирок этадиган дарвозабонлар:
1. Натанаел Вильянуева, 25.10.1995
15. Майкл Фалкесгаард, 09.04.1991
16. Кевин Рай Хансен, 29.09.1994
Эслатиб ўтамиз, Филиппин БААда ўтадиган Осиё Кубоги "C" гуруҳида Жанубий Корея, Хитой ва Қирғизистон билан куч синашади.
Ўхшаш янгиликлар
![AMP Logo](https://championat.asia/image/logo-amp.png)
Фикрлар