АПЛда февраль ойининг энг яхши мураббийи бўлиш учун даъвогарлар маълум

Премьер-лиганинг февраль ойидаги энг яхши мураббийи номига Юрген Клопп ("Ливерпуль"), Микель Артета ("Арсенал"), Ральф Хаззенхютль ("Саутгемптон"), Эдди Хау ("Ньюкасл") даъвогарлик қилмоқда.

Клопп бошчилигидаги "Ливерпуль" февраль ойини 4 ўйинда 4 та ғалаба билан якунлади. Артетанинг "Арсенал" жамоаси ҳам февраль ойида барча ўйинларда ғалаба қозонди, аммо уларнинг сони 4 та эмас, 3 та эди. 

"Саутгемптон" ўтган ойда 3 марта ғалаба қозонган бўлса, яна 1 та ўйинда дуранг қайд этган. Эдди Хау қўл остидаги "Ньюкасл" 4 та ўйинда 3 та ғалабага ва 1 та дурангга эришган.

"Манчестер Сити" 27 турдан кейин 66 очко билан АПЛда пешқадамлик қилмоқда. "Ливерпуль" захирадаги бир ўйини билан "шаҳарликлар"дан 6 очкога ортда қолмоқда.