Bu g'alaba mersisaydliklar uchun joriy mavsumdagi 32-si bo'ldi. Shu tariqa Yurgen Klopp shogirdlari chempionatning bir mavsumidagi g'alabalar soni bo'yicha "Manchester Siti" 2017/18 yilgi mavsumda o'rnatgan rekordni takrorladi. Bundan tashqari, 2018/19 yilgi mavsumda Pep Gvardiola jamoasi aynan o'z rekordini takrorlashga muvaffaq bo'lgan edi.
Shuningdek, "Liverpul" Angliya chempionati bir mavsumidagi g'alabalar soni bo'yicha klub tarixidagi eng yaxshi ko'rsatkichni qayd etdi. Ma'lumot uchun, turnir 38 emas, 42 o'yindan iborat bo'lgan davrlarda ham mersisaydliklar 30 tadan ortiq g'alabaga erisha olishmagan edi.
