Ансу Фати Испания терма жамоасида сўнгги 84 йилда дебют қилган энг ёш ўйинчи бўлди
04 сен 2020 11:31
Янгиликлар

Ансу Фати Испания терма жамоасида сўнгги 84 йилда дебют қилган энг ёш ўйинчи бўлди

"Барселона" ярим ҳимоячиси Ансу Фати Испания терма жамоаси рекордчиларидан бирига айланди.

Фати Миллатлар Лигаси 1-тури доирасидаги Германия (1:1)га қарши ўйинда 46-дақиқада захирадан ўйинга қўшилди. Ансу бу пайтда 17 ёш 308 кун эди.

Шундай экан у Испания терма жамоасида сўнгги 84 йилда дебют қилган энг ёш ўйинчи бўлди. Бунга қадар ундан ёш футболчи икки нафар бўлган - Педро Регейро (17 ёш 161 кун, 1927 йилда) ва Анхель Зубиета (17 ёш 282 кун, 1936 йилда).

Олдинроқ, Ансу Фатининг янги агенти Жорже Мендеш бўлган эди. У шунингдек Криштиану Роналду, Хамес Родригес ва Диего Костанинг ҳам агенти ҳисобланади.

17 ёшли ярим ҳимоячи ўтган мавсум "Барселона" либосида барча мусобақаларда 33та ўйинда майдонга тушиб, 8та гол ва 1та ассист қайд этган эди.

Ҳавола :

Манба : twitter.com/GracenoteLive

Янгиликларни Телеграмда ўқинг!

Рейтинг: +11