Андрей Шевченко: "Украина гуруҳдан чиқиши учун имконият етарли"

- Франциядаги катта мусобақада иштирок этиш ва бу ерда бўлиш жуда ёқимли. Украина терма жамоаси Европа чемпионатига қадар жуда кенг кўламдаги ишларни амалга оширди ва узоқ йўлни босиб ўтди. Европа чемпионатига ўйнашга лойиқлигимизни исботладик.
Гуруҳдаги илк ўйин жуда жиддий рақиб, Германияга қарши кечади. Умуман бизнинг гуруҳдаги барча учрашувлар қийин бўлади. Биринчи учрашувда бироз асабий ҳолат кузатилиши мумкин. Биз барча рақибга қарши жамоавий ўйин таклиф этамиз. Алоҳида футболчилар борасида Германиядан кучсиз ҳисобланишимиз мумкин. Аммо жамоавий ўйин эвазига яхши натижага ҳаракат қиламиз. Гуруҳдан чиқиш учун яхши имкониятга эгамиз ва шундан фойдаланишга ҳаракат қиламиз.