UZ

Сўнгги янгиликлар

13:32Роналду 700та гол урган тарихдаги 6-футболчи  0 13:17Любинко Друлович: "Жанубий Корея билан ўйинлар биз учун фойдали бўлди"  6 13:04Сингапур - Ўзбекистон ўйинигача  58 12:48ФИФА президенти тарихий ўйинни кузатиш учун Шимолий Кореяга етиб келди  26 12:35Бу қизиқ. "Пахтакор" ўйинига 1 соат 43 дақиқага кеч қолган Алимов  6 12:31ЖЧ-2022 саралаши. Ўйинлар атрофидаги қизиқарли фактлар  11 12:19Сингапур билан ўйин учун тахминий таркибимиз  38 11:52Роналду700-голи ҳақида: "Мен рекордларни қидирмайман, уларни ўзи мени топади"  13 11:37MLS. Мусобақада танаффус ёхуд АҚШдаги етти жаҳон юлдузи ҳақида  0 11:19"Милан" "Барселона" футболчиси учун МЮ билан курашади  6 10:43Омар Момани карикатураси: Петр Чех хоккейда дебют қилди ва хоккей пенальтисини қайтарди  4 10:40Терма жамоа ўйинга тайёргарликни давом эттирмоқда, бироқ...  25 10:24Даврон Файзиев: "Сингапурни аутсайдерлар қаторига қўшишингиз мумкин, аммо..."  43 09:45“Ювентус” қишда футболчи сотиб оладими?   7 09:29“Барселона” ҳимоячиси сафга қайтди   1

Андрей Канчельскис: "Агар хато гапирган бўлсам, узр сўрашга тайёрман" Янгиликлар

Андрей Канчельскис: "Агар хато гапирган бўлсам, узр сўрашга тайёрман"

"Навбаҳор" бош мураббийи Андрей Канчельскис "Андижон" билан ўйиндан кейинги матбуот анжуманида жуда эҳтиросли гапирди.

Мураббийнинг айтган гаплари овозли равишда Телеграм каналларда айланди. Бунинг натижасида ўйин билан боғлиқ гаплар кучайди. Биз эса вазиятга ойдинлик киритиш мақсадида мураббий билан боғландик. 

- Андрей Антанасович, Суперлиганинг 10-туридан ўрин олган "Андижон"га қарши баҳсдан кейин анча эҳтиросли гапларни айтдингиз. 

- Ҳа, шундай бўлди. Яхши биласиз, футбол - бу эҳтиросларга бой ўйин. Шу боис ўйиндан кейин аччиқ гапларни айтган бўлишим мумкин. Лекин бир нарсани ҳисобга олинг, мен нотўғри гапирганим йўқ. Агар айтган бўлсам, узр сўрашга тайёрман. Ўйинни кўрган бўлсангиз, ҳакам баҳс охирларида аниқ пенальтини бермади. Бу вазиятда тўп рақиб футболчиси қўлига текканди, бироқ ҳакам бунга эътибор бермади. Бу эса жаҳлимни чиқарди. Ҳакам ўйиндан кейин ўша вазиятни кўриб, VAR бўлганида пенальти қўярдим деди. Аммо энди кеч.  


- Ўйиндан кейин клуб ҳакам устидан шикоят ёздими? 

- Ҳа, биз шикоят ёздик ва энди нима бўлишини кутамиз. 


- Шунингдек, сиз рақиб жамоа ўйинни анча чўзгани ҳақида гапиргансиз. 

- Мен тушунаман, ҳозирги кунда ҳаммага очко керак ва бунинг учун жамоалар бор имкониятини ишга солмоқда. Футболда вақтни чўзиш ҳар бир жамоада учраб туриши мумкин. Лекин ҳеч ким биринчи таймдаёқ бу ишга қўл урмаса керак. Ўзи учун керакли натижани қайд этаётган жамоа одатда ўйин охирларида вақтни чўзади. Лекин сал нарсага ётиб олиш бекорга мухлислар эътирозига сабаб бўлади. Стадионга келган мухлис чиройли футбол кўришни хоҳлайди. Мен Англия ва Шотландияда ўйнаган пайтлари футболчининг қачонки қўли ё оёғи синса, майдондан ташқарига олиб чиқиб кетиларди. Ҳозир сал нарсага шифокорлар майдонга тушиб келаяпти, натижада баҳс тўхтаб қоляпти, бу эса ўйинни "ўлдиряпти". 


- Шундай бўлдики, "Навбаҳор" охирги иккита уй учрашувида дуранг қайд этди.

- Ўзимиздан ҳам хато ўтган, омад келмаган вазиятлар бўлди. Мен айбни бошкаларга тўнкамоқчи эмасман. Олдимизда белгиланган вазифа турибди ва шунга эришишни хоҳлаймиз. Яна шуни хоҳлардимки, ҳакамлар ўйинни яхши бошқарса. Ҳакам шундай бошқарсинки, ҳеч кимда уларга нисбатан савол қолмасин. 

Х.Холиқов суҳбатлашди.

Рейтинг: +71   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг